Gipasabot sa kadumalahan sa Economic Enterprise Development and Management Office (EEDMO)-Cemetery Section, ang pagkalangan sa pag-renovate sa Municipal-Public Cemetery nga nahimutang sa Barangay Villa Verde, Iligan City.
Matod ni EEDMO Head Francis Antonio Alava sa Cementery Section nga nalangay ang pagtrabo sa Sementeryo tungod sa mga rekisitos nga kinahanlanon sa gikan sa Department of Health, tungod matud pa dili basta-basta maka trabaho ang Lokal nga panggamhanan kung walay pagtugot gikan sa Department of Head (DOH).
Dugan ni Alava nga kadtong mga pantyon nga adunay mga numiro nagpasabot nga nahuman na kini ug inventory sa ilang buhatan. Lauman sa sunod nga bulan pagasugdan na ang pagtrabaho nga Municipal o Publik Cemetery.
Nunot niini, gihangyo ang tanang tag-iya o paryente sa mga gilubong sa Municipal o Publik Cemetery nga mobisita sa EEDMO Cemetery Office sa Ground Floor, Central Market, Brgy. Poblacion, Iligan City.
Tumong niini nga mahimong hapsay, organisado, ug paspas ang konstruksyon.
