Mikunhod og 60.7% ang mga bisita gikan sa China padulong sa Japan sa Enero kumpara sa miaging tuig, sumala sa Japan National Tourism Organization. Kini mas grabe kaysa 45.3% nga pagkunhod sa Disyembre tungod sa panawagan sa gobyerno sa China nga likayan ang pagbiyahe sa Japan human sa komentaryo ni Sanae Takaichi bahin sa Taiwan.
Mikunhod usab ang bisita gikan sa Hong Kong og 17.9%. Sa kinatibuk-an, ang foreign visitors sa Japan mikunhod og 4.9% ngadto sa 3.6 milyon.
Ang South Korea nanguna sa gidaghanon sa bisita nga 1.18 milyon, misaka og 21.6%, gisundan sa Taiwan nga 694,500 (17% increase) ug China sa ikatulo. Ang Estados Unidos nagreport og 207,800 ka bisita, misaka og 13.8%.
Sumala ni Shigeki Murata, adunay pipila ka kanselasyon gikan sa Chinese tourists apan napunan kini sa bisita gikan sa ubang nasud. Wala pa gi-considerar ang bag-ong ayuda alang sa apektadong negosyo.
Daghang bisita gikan sa South Korea, US, ug Australia ang nangadto sa Japan alang sa winter sports ug school holidays.
Photo Courtesy: PNA
