Arestado sa hiniusang pwersa sa kapulisan ug militar ang tulo ka indibidwal nga miyembro sa Communist Terrorist Group o CTG, sa lungsod sa Placer, Surigao del Norte niadtong makalabayng adlaw.
Giila ang mga nadakpan nga si alyas Nico, alyas Nik, ug alyas Jez, nga sakop sa PSR-listed members ubos sa North Eastern Mindanao Regional Committee.
Ang operasyon gipahigayon uban sa taktikal nga suporta gikan sa 1st Special Action Battalion, inubanan sa Criminal Investigation and Detection Group o CIDG Surigao del Norte Provincial Field Unit ug Placer Municipal Police Station, isip kabahin sa ilang kampanya batok sa insurhensiya.
Base sa rekord, ang mga suspek adunay gipagawas nga warrant of arrest tungod sa nagkalain-laing kaso lakip ang multiple attempted murder, multiple attempted homicide, ug attempted murder, nga gipetsahan gikan sa tuig 2021.
Matod pa sa kapulisan, kini nga kalampusan nagpakita sa ilang padayon nga paningkamot sa pagsanta sa mga kriminal ug teroristang grupo aron mapalig-on ang kalinaw ug kaluwasan sa komunidad sa Surigao del Norte.
Samtang sa pagkakaron, gipailalom na sa kustodiya sa CIDG Surigao del Norte ang mga nadakpan alang sa hustong dokumentasyon ug disposisyon.
Photo Courtesy: SAF/Fb Page
