Daling gidala sa balay tambalanan sa kabanay ang usa ka 21-anyos nga lalaki human gidunggab sa kaugalingong amahan nga nahitabo sa Barangay Palili, Midsalip, Zamboanga del Sur, niadtong nakalabay nga adlaw.
Base sa inisyal nga imbestigasyon, ang 48-anyos nga suspetsado giingong miuli nga hubog nga maoy hinungdan sa init nga lalis tali nila sa iyang anak. Wala napugngan sa suspetsado ang kasuko ug gikaingong nibunlot kini ug hinagiban nga dala ug gidunggab ang anak igo sa walang bahin sa tiyan.
Ang biktima daling gidala sa pamilya sa Midsalip Infirmary Hospital alang sa medikal nga atensyon. Misulay pa ug sibat ang suspetsado sa lugar nahitabuan apan pipila ka oras misurender ra usab kini dala ang sundang nga gamit sa pagpanunggab ngadto sa Barangay officials.
Sa karon pabilin nga nakakustudiya sa Midsalip Municipal Police Station ang suspetsado samtang padayon pa usab nga nagpaayo sa balay tambalanan ang biktima.
Photo Courtesy: Bhaskhar English
