Nagpadayon ang Search and Rescue Operations o Maritime Patrol Operations sa mga personahe sa Coast Guard Station Davao Oriental, uban sa CGSS Governor Generoso ug sa mga kawani sa Bantay Dagat sa munisipyo mahitungod sa usa kagiingong nawala nga mananagat sa kadagatan sa Governor Generoso.
Ang maong mananagat giila nga si Patrick Anticamara Blacano, 25-anyos ug residente sa Purok 11, Esperanza, Brgy. Tiblawan sa maong munisipyo.
Base sa report, ang biktima nagsugod sa pagpangisda sa kasikbit nga kadagatan sa Governor Generoso, Davao Oriental niadtong Pebrero 17, 2026 sakay sa kolor blue nga non-motorize nga banca. Gani, gilauman nga makabalik gilayon si Patrick apan pakyas kini sa pagpauli hangtod karong mga panahona.
Samtang daling nagpadala og dugang nga mga personahe gikan sa CGSS Lupon ug CGSS Banaybanay aron sa pagtabang sa pagpangita sulod sa ilang Areas of Responsibility (AOR).
Gipahimangnoan karon ang publiko nga kung kinsa man ang makahatag og impormasyon kabahin sa maong mananagat gilayong ireport sa mga otoridad. Samtang nagpagawas na usab ug Notice to Mariners (NOTAM) ang Coast Guard Station Davao Oriental aron maalerto ang tanang naglawig sa maong kadagatan.
