Giawhag sa City Information Office ning dakbayan sa Cagayan de Oro ang katawhan nga mu-follow sa ilahang bag-ong mugna nga Facebook account nga gitagana diha sa pagberipika sa saktong mga impormasyon sa syudad.
Gipasabot ni City Information Officer, Jade Adeser nga kini adunay account name nga City Information Office Information Check nga gilunsad aron nga batukan ang pagkaylap sa mga mali o peke nga mga impormasyon.
Diri sab ipagula ang mga troll account or fake accounts nga napakatag og malisyosong impormasyon aron nga dauton ang mga opisyales sa syudad.
Sumala pa ni Adeser nga labing mahinungdanon nga pakusgan ang pagbatok sa ingon niini nga mga lihok tungod kay dili ang mismong mga opisyales ang ilang gina-ilad apan ang mga Kagay-anon nga bulnerable diha sa social media.
Hangyo sab niya sa publiko o netizens nga perming magberipika sa bisan unsang makita nga impormasyon aron nga dili mabiktima sa sayop nga impormasyon.
Photo courtesy: CDO City Information Office – Fact Check
