Nagkabata na ang edad sa mga katawhan nga nakasinati ug mga heart diseases o sakit sa kasingkasing sa Zamboanga Peninsula Region ning kasamtangan.
Matod ni Dr. Dennis Antonio Dacayanan OIC Chief Local Health Support Division sa DOH Region 9, kun itandi sa nakalabayng mga record kadaghanan nga nagkasakit halos mga edaran apan karon daghan nang mga millenials ang nagkasakit kalabutan sa heart disease.
Dugang pa, pinakauna sa mga hinungdan sa kamatayon sa rehiyon ang cardiovascular diseases sama sa high blood, heart attack, ug stroke.
Segon ni Dr. Dacayanan, sagad sa nakabaton ug heart conditions ang nagpabilin sa unhealthy lifestyle sama sa panigarilyo, paggamit ug vape ug ang pagkaon sa parat ug oily foods.
Alayon niini, nagpahinumdom si Dr. Dacayanan sa publiko nga unahon ang regular nga pagpacheck-up sa blood pressure ug blood sugar aron malikayan ang komplikasyon.
