Dakpan sa mga awtoridad ang usa ka babaye atol sa gipatumang buy-bust operation didto sa Madang Public Market, Brgy Central, Mati City, Davao Oriental pasado alas 9:00 sa buntag, niadtong nakalabay nga adlaw.
Ang operasyon gihimo sa mga personahe sa Mati City Police Station pinaagi sa pagpanguna ni PLt. Col. Frederick C Sa-ao, Acting Chief of Police nga nagresulta sa pagkasikop ni alyas “Virgie”, 54-anyos.
Ang dinakpan napalitan ug klase-klaseng pakete sa smuggled nga sigarilyo, diin ang pagpamaligya sa maong butang supak sa balaod ug hugot nga gidili sa atong nasud.
Sa pagkakaron gikustodiya na ang akusado sa Mati City Police Station alang sa hustong disposisyon ug gipaabot ang kaso nga ipasaka batok kaniya. Samtang padayon ang pasalig sa Mati CPS sa pagpatuman sa balaod aron nga malikayan ang mga illegal nga kalihokan sa dakbayan.
Photo Courtesy:Mati City Police Station
