Iparada sa Rain or Shine Elasto Painters ang kauban ni kanhi Gilas Pilipinas forward Kevin Quiambao sa Korea sa persona ni Jaylen Johnson alang sa umaabot nga PBA Season 50 Commissioner’s Cup.
Si Quiambao nagsilbing team mate ni Johnson sa Korean Basketball League karong season sa wala pa moanhi sa nasod aron bandera alang sa matam-is nga panimalos sa Elasto Painters.
Kahinumdoman nga igo lang nakaabot sa semifinals ang ROS sa Season 49, diin nag-feature si Deon Thompson isip import. Busa, tumong sa koponan nga makaabot sa finals karong season.
Ikalima na si Johnson sa listahan sa mga import sa ikaduhang PBA conference, eksaktong usa ka bulan sa dili pa ang pagbukas niadtong Marso 11 sa Smart Araneta Coliseum.
Kini usab nahitabo human sa kampanya sa Gilas Pilipinas sa ikaduhang bintana sa 2027 FIBA World Cup Asian Qualifiers niadtong Pebrero 28 hangtod Marso 1, ug sa 2026 PBA All-Star Weekend niadtong Marso 6 hangtod 8 sa Candon City, Ilocos Sur.
Photo Courtesy: PBA
