Natapos sa rambulan ang dula sa Charlotte Hornets ug Detroit Pistons. Nahitabo ang insidente sa dihang giputol sa Pistons ang siyam ka sunod-sunod nga daog sa Hornets sa score nga 110-104.
Nagsugod ang kagubot sa dihang giingong tuyo nga gi-foul ni Moussa Diabate sa Hornets si Jalen Duren sa Pistons. Didto nagkaabot ang duha hangtod nga nanginlabot ang pipila ka mga magdudula sa matag koponan.
Tungod niini, gipahamtangan og ejection silang Duren ug Diabate lakip si Isaiah Stewart sa Pistons ug Miles Bridges sa Hornets. Nalakip usab nga gipahamtangan og ejection si Hornets head coach Charles Lee sa dihang gireklamo niya ang foul nga gihatag kaniya.
Photo courtesy: NBA
