Nagpasidaan ang Philippine National Police (PNP) Chief nga si PGen. Jose Melencio Nartatez nga posibleng i-relieve sa pwesto ang Davao del Sur Police Provincial Director kon dili pa masulbad ang kaso sa pagpatay kang Barangay Tres de Mayo Captain Oscar Bucol Jr.
Atol sa iyang unang command visit sa Police Regional Office 11 (PRO-11) sa Davao City, gipangutana si Nartatez sa mga tigbalita bahin sa kahimtangan sa imbestigasyon sa maong kaso nga milabay na ang pipila ka bulan.
Matod sa PNP Chief, padayon pa ang imbestigasyon ug nakig-coordinate na siya sa lokal nga kapulisan alang sa pinakabag-ong update. Apan, iyang gipahayag nga wala siya maghatag og tiyak nga timeline kung kanus-a masulbad ang kaso.
Gipahinungod usab ni Nartatez nga base sa iyang kasinatian isip investigator ug police commander, adunay mga kaso nga masulbad dayon kung husto ug lig-on ang pamaagi sa imbestigasyon. Iyang gikutlo ang usa ka kaso nga nasulbad sulod sa dili molapas og 20 ka oras, ug nahatagan dayon og hustisya ang biktima sulod sa unom ka bulan.
Nanawagan usab ang PNP Chief sa publiko nga motabang pinaagi sa paghatag og kasaligan nga impormasyon, kay dako ang papel sa komunidad sa pagsulbad sa krimen.
Photo Courtesy: x.com
