Gihingusgan karon sa European Commission nga posibleng obligahon ang mga dagkong online platforms nga palig-onon pa ang ilang mga lakang batok sa cyberbullying. Sumala sa EU, usa sa matag unom ka bata ang nakasinati og cyberbullying, diin naghatag og negatibong epekto ilabi na sa mental health sa mga menor de edad.
Ilawom sa Digital Services Act, gimandoan ang mga online platforms nga mas palig-onon ang pagbatok sa illegal nga mga content aron mapanalipdan ang mga menor de edad. Apil sa mga guidelines nga dapat ang mga bata dunay kapasidad makablock o makamute sa bisan kinsang online user o online group. Gugang sa European Commission nga palig-onon pa ang maong balaod aron mas mapugngan ang epekto sa mga bata sa makadaot nga mga content ug mapadali ang pagreport niini.
Kabahin sa action plan niini ang pagpalambo og usa ka EU-wide app nga magtugot sa mga biktima sa pagreport sa cyberbullying ngadto sa usa ka national helpline, pagtigom ug pagpadala sa ebidensya ug uban pa. Ang inisyatiba kabahin sa mas lapad nga paniguro sa nagkalain-laing nasud sa kalibutan aron malimit ang access sa kabatan-onan sa social media tungod sa epekto niini sa ilang kaluwasan.
Photo Courtesy:Blog- Securly
