Nakasungkit og bronze medal ang Pinoy pole vaulter nga si EJ Obiena sa init nga Indoor Meeting Karlsruhe didto sa Germany niadtong Lunes sa buntag, pipila lang ka adlaw human siya nakakuha og bulawan sa Asian Indoor didto sa China.
Giangkon ni Obiena nga hapit dili madayon ang iyang pagsalmot tungod sa problema sa scheduling ug pagbiyahe, apan natabangan siya sa Embahada sa Pilipinas aron makaabot sa dula.
Sa pagkakaron, gikatakdang mag-regroup una si Obiena kauban ang iyang coach aron tan-awon ang kondisyon sa iyang lawas human sa kapoy nga biyahe gikan sa duha ka sunod-sunod nga torneyo. Tungod niini, wala pa’y kasiguruhan kon makapadayon ba siya sa pagsalmot sa mga torneyo sa France karong Pebrero 19 ug sa Poland karong Pebrero 22 samtang nagpauli pa sa iyang kusog.
Photo Courtesy: Philippine News Agency
