Gipadayag sa Department of Health (DOH) Region 9 nga anaa na sa upward trend ang natala nga kaso sa Human Immunodeficiency Virus (HIV) sa Zamboanga Peninsula Region ning tuiga.
Matod ni Dr. Dennis Antonio Dacayanan, OIC Chief sa Local Health Support Division sa DOH 9, kadaghanan sa mga kaso nga natala sa HIV sa rehiyon sa nakalabayng tuig sagad hamtong, apan karon daghan na ang anaa sa younger population.
Segon ni Dr. Dacayanan, daghan na karon ang nagpailawom sa HIV testing nga nag pangedaron og 35-anyos paubos gumikan kay abli na ang panghuna-huna sa matag indibidwal sa HIV testing hinungdan daghan na usab ang na test nga nagpositibo.
Alayon niini, nanawagan si Dr. Dacayanan sa publiko ilabina sa mga kabatan-onan nga nalambigit na sa pakighilawas nga magpa-HIV test, ug dili mahadlok mangayo og tambag sa mga health center, tungod kay libre ug confidential ang serbisyo sa mga HIV patients.
