Modula na sa Boston Celtics ang kanhi bigman sa Chicago Bulls nga si Nikola Vucevic human siya gi-trade sa iyang team.
Base sa impormasyon nga gipagawas bahin sa trade, ibaylo kang Vucevic ang guard nga si Anfernee Simons ug usa ka second-round pick. Si Simons na-trade lang sa Boston niadtong July 7, 2025 isip hulip niadto sa 2-way player nga si Jrue Holiday.
Karong season, nakatala si Vucevic og 16 points per game ug 9 rebounds. Una siyang niduwa og siyam ka season sa Orlando Magic ug niadtong 2020-2021 nibalhin siya sa Bulls. Sa iyang pagpabilin sa Chicago, kaduha siya nakasulod sa All-Star Game.
Sa laing bahin, si Simons adunay average nga 14.2 points per game ug naghupot og 39.5% shooting gikan sa 3-point line sulod sa mubo nga panahon nga pagpuyo niya sa Celtics.
Mahuman na ang trade deadline sa NBA karong Pebrero 6, ug gilauman nga mas daghan pa nga trade ang mahitabo sa mosunod nga duha ka adlaw.
Photo courtesy: NBA
