Dinaliang gipahigayon ang pre-emptive evacuation sa mga residente sa Barangay Bag-ong Lungsod, Tandag City ang gipahigayon kaganihang buntag, Pebrero 5, 2026, tungod sa walay hunong nga pagbundak sa ulan nga dala sa bagyong “Basyang.”
Base sa pinakabag-ong datos, 572 ka indibidwal o katumbas sa 140 ka pamilya ang napahimutang karon sa Jacinto Elpa National High School, nga gi-andam isip temporaryong evacuation center aron masiguro ang kaluwasan sa mga apektadong lumulupyo.
Nagpabiling alerto ang City Disaster Risk Reduction and Management Office (CDRRMO) ug ubang response teams alang sa posibleng dugang nga pagbakwit kon magpadayon ang kusog nga ulan.
Giawhag ang mga residente sa mga delikadong lugar nga magpabiling andam ug mosunod sa pahimangno sa lokal nga pangagamhanan aron malikayan ang peligro samtang nagpadayon ang dili maayong kahimtangan sa panahon.
