Nadakpan sa usa ka joint buy-bust operation ang usa ka 30-anyos nga lalaki sa Purok Dacudao Extension, Brgy. JP Laurel, Panabo City, alas 10:40 sa gabie, niadtong nakalabay nga adlaw. Giila ang dinakpan nga si alyas “Kim”, residente sa Purok 5-A, Evacon, Brgy. Tubod, Carmen, Davao del Norte.
Gipangunahan sa kapulisan sa Panabo City Police Station ug mga operatiba sa 2nd Davao Maneuver Force Company ug uban pang departamento sa kapulisan sa Davao Norte Police Provincial Office (DNPPO) sa pakig-koordinar sa Philippine Drug Enforcement Agency (PDEA) Davao del Norte.
Samtang narekober gikan sa posesyon sa suspek ang usa ka heat-sealed transparent plastic sachet nga adunay puti nga kristalin nga substansya nga gituohang shabu nga object of sale, ug laing duha pa ka heat-sealed sachet nga adunay parehas nga substansiya nga object of possession, usa ka tinuod nga Php500 bill nga gigamit isip buy-bust money, ug usa ka sa cigarette foil.
Sumala sa kapulisan, ang nakuha nga gituohang shabu adunay gibana-banang gibug-aton nga 0.2206 gramo ug adunay Standard Drug Price nga Php1,500.08.
Sa pagkakaron, ang tanang ebidensya ug ang suspek anaa na sa kustodiya sa estasyon alang sa hustong lakang. Kasong paglapas sa Republic Act 9165 kon Comprehensive Dangerous Drugs Act 2002 ang atubangon sa maong suspetsado.
Photo Courtesy: Dickman Law Office
