Gipahigayon sa City Government of Tandag ang Pre-Disaster Risk Assessment (PDRA) Scenario Building kauban ang mga myembro sa City ug Barangay Disaster Risk Reduction and Management Councils (C/BDRRMC) karong adlawa, Pebrero 4, 2026, sa CDRRMO Operations Center, Tandag City Hall, isip pagpangandam sa posibleng epekto sa Tropical Depression “Basyang.”
Personal nga gipangunahan ni Mayor Roxanne C. Pimentel ang kalihokan, diin iyang gipasiugda ang kahinungdanon sa aktibong pagplano, lig-on nga koordinasyon, ug andam nga kahimtangan aron masiguro ang kaluwasan sa tanang Tandaganon. Tumong sa PDRA ang pagtimbang-timbang sa posibleng mga risgo, pag-ila sa mga lugar nga delikado, ug pagpalig-on sa mga estratehiya sa pagtubag sa dili maayong kahimtangan sa panahon.
Kabahin kini sa padayon nga paningkamot sa dakbayan sa Tandag sa pagpalig-on sa disaster risk management ug pagsiguro nga andam ang lokal nga kagamhanan ug komunidad sa pag-atubang sa mga natural nga katalagman.
Photo courtesy: City Government of Tandag
