Nakahimo og kasaysayan si Carlos Alcaraz sa dula nga tennis, human siyang giila isip labing bata nga nakakompleto sa usa ka karera nga grand slam.
Kahinumduman, iyang gipildi si Novak Djokovic sa finals sa Australian Open sa iskor nga 2-6, 6-2, 6-3, 7-5. Ang 22-anyos nga si Alcaraz, naghupot sa world number 1 sa tennis.
Napamatud-an usab niya ang iyang katakus human makadaog sa mga torneyo sama sa Australian Open, French Open, Wimbledon ug US Open.
Mas bata pa siya karon kang Rafael Nadal nga 24-anyos sa dihang nakadaog siya sa Grand Slam; samtang si Roger Federer 27-anyos sa dihang nakadaog siya sa Grand Slam ug ang Serbian tennis star nga si Djokovic 29-anyos.
Photo Courtesy: Britannica
