Gipahigayon sa syudad sa General Santos City ang jump-off sa BOSS Ironman Mindanao Cup 2026. Diin mokabat sa 1,200 ka riders gikan sa tibuok Pilipinas ang opisyal nga nagparehistro alang niining endurance ride nga nagpakita og usa ka testamento sa padayon nga paglambo ug kalig-on sa motorsports sa nasud.
Gipangunahan sa Mayor sa syudad sa Gensan ang Opening Ceremony, diin personal niyang gipadangat ang iyang mensahe nga welcome ang tanan sa Gensan. Gipahinumdoman usab sa Mayor ang mga partisipante nga mag-ampo sa pagbiyahe alang sa luwas nga pagmaneho.
Mipartisipar usab si Konsehal Alberto Pacquiao, sa jump off uban si kanhi Senador Manny Pacquiao. Ang maong kalihokan nagpakita og usa ka makasaysayanon nga panagtapok nga pinaagi sa diwa sa panaghiusa, ug responsable nga pagmaneho sa mga riders gikan sa nagkadaiyang lugar nasud.
Photo Courtesy: LGU-Gensan
