Naghiusa ang Philippine Ports Authority o PPA ug lain-laing mga stakeholders niadtong Enero 22 aron maminaw sa opinyon sa publiko kabahin sa proposed management ug operasyon sa clustered ports sa Balingoan ug Jasaan.
Gihimo ang public consultation sa Gender and Development Hall sa Port Management Office sa Cagayan de Oro City, diin gitigom ang mga suhestiyon, kabalaka, ug rekomendasyon aron mapauswag ang feasibility studies sa proyekto.
Gihisgutan sa konsultasyon ang infrastructure development, operasyon sa pantalan, ug ang long-term viability sa duha ka pantalan nga nagsilbi sa passenger travel ug cargo movement sa Northern Mindanao.
Gipadayag sa 26 ka partisipante gikan sa mga LGUs sa Balingoan, Jasaan, PCG, PNP Maritime Group, Brgy Councils sa Macabalan ug Puntod sa syudad ang ilang mga kabalaka sa kahimtangan sa mga pantalan, epekto sa proyekto sa komunidad, ug sa pinansyal nga istruktura sa gitinguhang paglambo.
Photo courtesy: Metrocdodev.com
