Nadiskobrehan ang unang kaso sa usa ka baka nga mahibalo mogamit og “mga himan” o kagamitan, usa ka talagsaon nga kaso, ang mga membro sa siyentipiko sa University of Veterinary Medicine sa Vienna.
Ang baka, ginganlan Veronika, usa ka Swiss brown nga baka ug gipanag-iya ni Witgar Wiegele. Nakuha sa CCTV footage si Veronika nga migamit sa mga sungkod ug brush gamit ang iyang baba aron magkalot sa lain-laing mga bahin sa iyang lawas.
Sumala sa iyang tag-iya, si Wiegele, ang talagsaong abilidad ni Veronika nagsugod kini sa pulo pa sya ka tuig na ang milabay, apan karon pa lang kini pormal nga gitun-an ug gipatik sa journal nga Current Biology.
Dili kini basta-basta ang gibuhat ni Veronika tungod kay kini nagpakita og taas nga lebel sa paniktik.
Naobserbahan sa mga cognitive biologist nga sila si Alice Auersperg ug Antonio Osuna-Mascaró nga ang baka makamao mogamit sa himan base sa panginahanglan: gigamit niini ang balhiboon nga bahin sa brush para sa baga nga panit, samtang ang gahi nga kuptanan para sa sensitibo nga bahin.
Gitawag kini nga “flexible tool use,” usa ka abilidad nga talagsa ra makita sa mga hayop sa uma. Sumala sa mga eksperto, ang kaso sa maong Baka naghagit sa dugay nang gituohan nga ang mga hayop sa uma adunay limitado nga paniktik.
Ang pagtuon nagsugyot nga ang atong ubos nga pagtan-aw sa mga baka mahimong resulta lamang sa atong kakulang sa obserbasyon.
Photo Courtesy: Scientific American
