Gikaalarma ang katawhan sa Bukidnon human ang sunod-sunod nga shooting incident nga nahitabo sa nagkadaiyang lugar sa lalawigan.
Sumala sa Bukidnon Police Provincial Office (PPO), isolated cases lamang ang mga insidente ug wala’y timailhan nga kini konektado sa usa ka organisadong grupo.
Matud ni Police Captain Shiela Joy Jangad, spokesperson sa Bukidnon PPO, hugot ang ginahimong monitoring sa intelligence personnel sa tibuok lalawigan. Gipakusgan usab ang operasyon batok sa loose firearms aron mapugngan ang susamang insidente sa umaabot.
Giawhag sa kapulisan ang publiko nga magmatngon ug dayong motaho sa mga otoridad kon adunay maobserbahan nga bisan unsang kadudahang kalihokan.
Ang mga awtoridad nagpangayo usab sa kooperasyon sa komunidad aron mas mapadali ang imbestigasyon ug masiguro ang kaluwasan sa tanan.
Photo Courtesy: BUKPPO
