Usa ka bata sa China ang nahimong instant viral human makit-an sa litrato nga adunay kombinasyon nga kandado nga na-ipit, dili sa pultahan, kondili sa iyang ilong.
Sumala sa report, ang batang lalaki gikan sa Huaihua, Hunan Province, kay nagdula-dula matud pa og kandado. Wala pay klaro unsa gyud ang iyang tuyo, apan giingong nag-role play kini isip “Bull Demon King” mao nga gi-sulod ang kandado sa ilong—ug didto na lock sa iyang ilong.
Misulay una og tabang ang iyang ginikanan, apan tungod sa kasakit ug risgo nga masamad ang ilong sa bata, napugos silang mangayo og tabang sa bombero.
Na challenge usab ang mga bombero kay delikado kung bunoton diretso ang kandado. Busa, ilang gigamit ang gunting pang-metal aron putlon ang kandado hinay, maampingon, ug walay labis nga pressure.
Samtang, hapsay ra ang bata sa tibuok operasyon ug human makuha ang kandado, misaad kini nga dili na mosulod og bisan unsang butang sa iyang ilong pag-usab.
Bisan kataw-anan paminawon, pahinumdom kini sa ginikanan nga bantayan kanunay ang mga bata kay usahay, ang ilang pagka-creative, moabot gyud sa ilong.
Photo Courtesy:Dimsum Daily
