Gipangunahan sa Department of the Interior and Local Government (DILG) Iligan City ang unang binulan nga tigum sa mga Barangay Secretaries ug Barangay Treasurers alang sa tuig 2026 niadtong Enero 20, 2026, nga napahigayon sa syudad sa Iligan. Kini kabahin sa padayon nga paningkamot sa ahensya sa pagpalig-on sa maayong panggobyerno sa lebel sa barangay.
Atol sa maong tigum, mitambong isip resource persons ang mga representante gikan sa City Treasurer’s Office ug City Accounting Office, nga mipresentar sa mga topic mahitungod sa business permits, koleksyon sa barangay fees, ug mihatag og mga update sa accounting ug auditing rules.
Gipasidan-an usab ang mga partisipante sa mga mahinungdanon nga obserbasyon sa Commission on Audit (COA) – Iligan City may kalabotan sa mga transaksiyong pinansyal sa barangay.
Gipahinumdoman usab ang mga Barangay Secretaries ug Treasurers sa kamahinungdanon sa pagsunod sa Barangay Full Disclosure Policy, ilabi na sa hustong pag-post sa mga dokumentong pinansyal nga giandam sa Barangay Treasurers ug gibantayan sa Barangay Secretaries.
Lakip usab sa gihisgutan ang mga update sa deliverables sa Barangay Secretaries, ilabi na sa ilang mga reportorial requirements, ug ang angay nga pagpangandam alang sa umaabot nga assessment sa Barangay-Based Institutions ug sa Lupong Tagapamayapa Incentives and Awards kun (LTIA).
Tumong niini ang pagsiguro nga andam ug compliant ang mga barangay alang sa 2026 evaluation ug assessment activities.
