Nag-awhag karon ang Davao de Oro Provincial Police nga angay makigkooperar ang mga biktima sa imbestigasyon ug ang mga saksi sa nahitabong pagpamusil nga misangpot sa kamatayon sa usa ka helper sa truck sa Tuboran, Mawab, sa gabii Enero 27, 2026.
Matod pa sa tigpamaba sa Davao de Oro Police, si PCPT Jusibelle Abellon, atol sa pagbisita sa Juander Radyo, gipaklaro niini nga kinahanglan makig-alayon ang mga biktima sa maong insidente sa kapulisan aron mapadali ang pagsulbad sa kaso
Kahinumduman nga nakultoan sa hinulaman nga kinabuhi ang usa ka helper sa truck, samtang samaron ang mga kaubanan niini human gipusil sa mga tulisan sa Tuboran, Mawab Davao De Oro Enero 27, 2026 sa gabie.
Dugang pa sa opisyal, alerto kanunay ang kapulisan 24/7, ilabina sa pagsulbad sa mga kaso ug pagbantay sa kalinaw ug kahusay sa katawhan sa probinsya sa Davao de Oro.
