Nakatala og kapin 1,646 ka sunodsunod nga hinay ngadto sa medyo kusog nga mga linog ang DOST-PHIVOLCS gikan sa alas 10:52 sa gabii niadtong Enero 19 hangtod sa alas 4:00 sa hapon niadtong Miyerkules, Enero 28, 2026 bahin sa Kalamansig, Sultan Kudarat.
Ang nasangpit nga gidaghanon, 507 ka linog ang adunay magnitude nga 1.1 ngadto sa 5.9, ug 63 ang nabati ug natala base sa intensity.
Gipahinumdoman sa PHIVOLCS ang publiko nga mag andam kanunay ug mag DUCK, COVER, ug HOLD panahon sa linog.
Kadtong anaa sa kabaybayonan kinahanglan nga magpabiling alerto sa posibleng lokal nga tsunami tungod sa linog, o kalit nga pag-ubos sa lebel sa dagat, ug ang talagsaon nga pagdahunog sa mga balod, kung kini nga timailhan ang namatikdan kinahanglan nga mobakwit dayon ngadto sa mas taas nga dapit.
Sa pagkakaron ang PHIVOLCS padayon nga nagmonitor sa mga nahitabong linog.
Photo Courtesy: NDRRMC
