Nanawagan si Akbayan Partylist Representative Dadah Kiram Ismula ngadto sa gobyerno nga paspasan ang paghatag sa angay nga tabang sa mga biktima sa pagkalunod sa MV Trisha Kerstin 3 sa Baluk-baluk Island, diin 18 na ang kumpirmadong namatay ug 24 pa ang padayon nga gipangita.
Sumala ni Ismula, kinahanglan palig-onon ang mga rescue team sa Isabela City ug dugangan ang medical ug psychological support alang sa 317 ka mga survivor.
Gihangyo usab ni Rep. Kiram nga pasugdan na ang proseso sa pagpapanubag sa Shipping Lines, tag-iya sa nalunod nga Ro-Ro, aron makab-ot ang hustisya alang sa mga biktima.
Namatud-an usab ni Ismula nga ang maong kompanya mao gihapon ang tag-iya sa Lady Mary Joy 3 nga nasunog niadtong 2023 samtang naglayag, diin 31 ka tawo usab ang nakabsan sa kinabuhi.
Tungod niini, gihulat ni Ismula ang pagpasabot sa Department of Transportation o DOT, kung giunsa nga nakalusot sa safety standards ang maong kompanya.
Matod pa ni Ismula, dili na kinahanglan nga tugotan nga magpadayon ang sama nga sistema nga kanunay nagbutang sa kinabuhi sa kabus nga Pilipino sa peligro.
