Gisugyot ni Albay Representative Adrian Salceda ang usa ka balaodnon nga nagtinguha nga tangtangon ang pag-imposar og buwis sa mga benepisyo nga madawat sa mga healthcare worker gikan sa Philippine Health Insurance Corporation, o PhilHealth.
Ang maong balaodnon, nga nailhan isip House Bill No. 7033, nga nagtinguha nga himuong tax-exempt o dili na kuhaan ang lain-laing klase sa benepisyo nga gihatag sa PhilHealth sa mga healthcare workers.
Apil sa mga benepisyo niini ang mga allowance, hazard pay, performance-based incentives, ug uban pang health human resource support.
Sumala kang Representative Salceda, ang mga benepisyo nga gikan sa PhilHealth angay lamang nga ikonsidera isip usa ka klase sa social protection o panlipunang proteksyonalan para sa mga healthcare workers.
Gipasiugda niya nga sama sa mga benepisyo nga gikan sa Government Service Insurance System (GSIS) ug Social Security System (SSS) dili usab kuhaan ang ang mga benepisyo gikan sa PhilHealth dili angay usab nga mahimong tax-exempt.
Gipatin-aw pa ni Salceda nga ang pagbuhis sa mga benepisyo sa PhilHealth nagresulta sa pagkunhod sa suporta nga unta diretso nga mapaingon sa mga healthcare worker nga nagsilbing frontliners sa paghatag og serbisyo sa panglawas.
Dugang pa niya, ang maong balaodnon wala manginahanglan og dugang pondo gikan sa gobyerno.
Sumala kang Salceda, ang panukala nagtinguha nga mapadayon ang kasamtangang kantidad sa health funds o pondo para sa kalusugan, ug dili kini magdala og bisan unsang kausaban sa kinatibuk-ang budget.
