Kasamtangang nagpaalim karon sa tambalanan ang 23-anyos nga lalaki human kini nakaangkon og paso sa nagkadaiyang parte sa lawas dihang gidauban niini ang kaugalingon bahin sa Surallah, South Cotabato.
Giila ang maong lalaki sa Alyas nga Jerry, 23-anyos kinsa residente sa naasoy’ng lugar. Base sa imbestigasyon sa mga otoridad giimbitahan matod pa sa biktima ang iyang uyab nga moadto sa haya saiyang lola apan pipila ka oras wala kini mitungha rason nga mipauli ang batan-ong lalaki sailang panimalay og nasugatan kini saiyang 15-anyos nga igsoon.
Saysay sa biktima ngadto saiyahang igsuon nga magpakamatay matod pa kini og kalit nga gikuha niini ang sudlanan sa gasolina og gisindihan ang kaugalingon.
Daling misilaab ang kalayo, rason nga nagpakitabang na ang igsuon sa biktima aron mapaling ang kalayo. Girespondihan kini sa mga kabanay sa biktima og paspas nila kining gibuboan og tubig og gidala sa hospital aron mahatagan og medikal nga pagtagad.
Photo Courtesy: Madilyn Madar
