Upat ka kanhi miyembro sa Communist Terrorist Group (CTG) ang nadakpan sa Criminal Investigation and Detection Group (CIDG) atol sa sunod-sunod nga manhunt operations nga gihimo sa Surigao del Norte ug Agusan del Norte, dili pa lang dogay.
Ang pagdakop gihimo sa CIDG Surigao del Norte Provincial Field Unit ug CIDG Butuan City Field Unit base sa Warrant of Arrest alang sa Multiple Attempted Murder nga gi-isyu sa korte sa Butuan City niadtong Hulyo 22, 2019.
Nadakpan mao sila alias “Ejoy,” “Baloy,” ug “Pedro,” pawang lalaki, ug “Maya,” babaye. Silang tanan legal ang edad, mga mag-uuma, ug residente sa Agusan del Norte.
Ang upat giila nga kanhi miyembro sa Squad 1, Platoon 1, Sub-Regional Sentro de Grabidad, WESTLAND sa Communist Party of the Philippines/New People’s Army (CPP/NPA). Apil usab sila sa AFP Periodic Status Report (PSR) sa ikatulong kwarter sa 2021 ug nalista isip Provincial Most Wanted Persons No. 5, 6, 7 ug 8 sa Surigao del Norte.
Base sa imbestigasyon, niadtong Abril 16, 2019, alas 10:00 sa buntag, ang upat ka suspek kauban ang lima pa ka uban nilang kaalyado, nga giingong armado ug taas-kalibreng pusil, mitambang sa ambush batok sa mga tropa sa gobyerno nga nagpatigayon og combat patrol operation duol sa Sablayan Falls, Barangay San Antonio, R.T.R., Agusan del Norte. Tungod niini, may mga sundalong nasamdan.
Niadtong Enero 15, 2026, unang nadakpan sa CIDG Surigao del Norte sila Ejoy ug Baloy, samtang nadakpan sa CIDG Butuan City si Maya. Sa Enero 22, 2026, nasikop usab si Pedro. Sa siyam ka mga akusado, upat na karon ang anaa sa kustodiya sa kapulisan, samtang padayon pa ang manhunt operation batok sa lima ka uban pang nag-at-large.
Gidayeg sa CIDG leadership sila PLTCOL Butch Ian C. Miñoza, Regional Chief sa CIDG RFU-13, uban ang CIDG Surigao del Norte PFU ug CIDG Butuan City PFU nga gipangulohan nila PLTCOL Darwin B. Dura ug PCPT Voltaire S. Quezada, tungod sa malampusong intelligence-driven nga operasyon.
Photo Courtesy: CIDG PIO
