Gipatin-aw ni Provincial Director Norayah Acas sa Technical Education and Skills Development Authority (TESDA) Lanao del Norte ang mga detalye kalabot sa validity sa National Certificate II kon NC II. Kini atol sa usa ka eksklusibong pakighinabi sa Juander Radyo News Team.
Matod ni PD Acas, ang National Certificate adunay validity nga lima ka tuig lamang, ug human niini, kung wala pa na-migrate o nabag-o ang kwalipikasyon, gikinahanglan nga ang NC II holder moduol ug magpa-assist pag-usab sa mga nagkalain-laing TESDA assessment centers.
Dugang pa niya, nga bisan pa expired o na-migrate na ang kwalipikasyon, adunay kahigayunan ang mga certificate holder nga magpa re-assist pinaagi sa mga accredited assessment center, aron magpadayon nga balido ang paggamit sa sertipikasyon ug masiguro nga magpabiling balido ug magamit ang certification sa pagpanarbaho.
