Patay ang usa ka negosyante human gipusil sa wala mailhing mga suspetsado sakay sa motorsiklo sa Purok 8, Poblacion, Valencia City, pasado alas 5:30 sa hapon Enero 17, 2026.
Ang biktima giila nga si Michael Actub, hingkod ang pangidaron kinsa tag-iya sa usa ka bugasan sa maong lugar.
Sumala sa mga saksi, kamulo sa pagbaligya sa iyang bugasan ang biktima dihang kalit miduol ang suspetsado nakasuot ug color green nga jacket ug naka-half face nga helmet dayon pusil sa biktima sa usa ka higayon igo sa iyang ulo.
Pagkahuman daling misibat ang suspetsado sa wala matinong direksyon, samtang ang biktima dayong gidala sa pinakaduol nga hospital aron matambalan, apan gideklarang dead on arrival (DOA).
Gikabutyag usab sa mga nakaila sa biktima nga posibleng motibo sa krimen may kalambigitan sa personal nga relasyon, ilabina sa bag-ong kaubang babaye niini. Anaa usab sa mga gitan-aw nga anggulo ang posibleng kasina ug panagbangi may kalabutan sa iyang negosyo.
Padayon pa karon ang imbestigasyon sa kapulisan aron mailhan ang mga suspect ug masuta ang tinuod nga motibo sa krimen.
Sa pinakaulahing update gikan sa buhatana sa bise Mayor syudad sa Valencia aduna nay gitumbok nga Person of Interest sa maong pagpamusil.
