Nagpagawas og pasidaan ang Philippine Consulate General sa Hong Kong ngadto sa Overseas Filipino Workers (OFWs) batok sa mga indibidwal o grupo nga nagtanyag og trabaho sa ikatulong nasod o gitawag nga cross-country work arrangements.
Sumala sa Konsulada sa Pilipinas, ang maong pamaagi o modus supak sa mga regulasyon nga gitukod aron mapanalipdan ang kahimtangan ug katungod sa mga Overseas Filipino Workers. Ang pagdawat og trabaho gawas sa opisyal ug legal nga proseso mahimong mosangpot sa peligro ug posibleng pag-abuso sa mga trabahante.
Gibadlong usab sa Philippine Consulate ang Filipino community sa Hong Kong nga magpabiling alerto ug dili dayon motoo o modawat sa mga job offers nga makita sa social media platforms, ilabi na kung walay klaro ug legal nga dokumentasyon.
Dugang pa, gihangyo sa Konsulada ang mga Pilipino nga nabiktima na sa maong modus nga dayong mokontak sa Migrant Workers Office sa Hong Kong (MWO-HK) aron makadawat og hustong tabang ug giya.
Photo courtesy: Remate
