Gibutyag sa Commander sa Philippine Coast Guard station Cebu City Captain Jerome Lozada, nga ilang gitugutan nga makaapil ang mga jetski sa fluvial procession karong umaabot nga Sabado.
Kun kining mga jetski owner magparehistro lang daan ngadto sa PCG ug mosubay sa guidelines nga ilang ipatuman. Kini maoy giingon ni Lozada atol sa Inter-Agency meeting nga gihimo sa Philippine Coast Guard (PCG7) uban sa nagkadaiyang mga ahensya sa gobyerno nga nagsuporta alang sa umaabot nga fluvial prosesyon.
Giawhag ni Lozada ang mga Boat Captains nga mosalmot sa ipahigayon nga breifing karung adlawa og ugma sa Coast Guard alang sa ilang guidelines inig sugod na sa procession, lakip na niini ang pagpahinumdom kanila sa pagsunod kahinayon sa pagpadagan sa ilang sakayan apil na niining ang mga jestki, dili ni sila tugotan nga mag pagpakusog, pag overtake sa uban, og kinahanglan mosabay lang sa procession ug mosubay lang sa gitagana nga rota sa Coast Guard.
Dugang pa ni Captain Lozada nga kun aduna man gani nga mga sakayan sa dagat nga walay labot sa procession og wala marehistro, warningan usa ni nila, papaulion apan og dili ni sila mo sunod sa instructions dili maminaw, issuehan sila sa Coast guard og violation.
