Gibutyag ni Senate Majority Floor Leader Juan Miguel “Migz” Zubiri, ang lig-on, ug direktang interbensyon importante kayo aron matabangan ang mga mag-uuma sa asukal samtang iyang giawhag ang gobyerno nga molihok ug sulbaron ang “krisis sa asukal.”
Matod ni Zubiri, nius-os ang presyo sa mill gate gikan sa Php2,200 matag 50 ka kilo nga sako sa asukar niadtong bulan sa Oktubre ngadto sa Php2,075 sa kataposang semana sa Disyembre.
Mas ubos kini sa Php2,400 ngadto sa Php2,500 matag bag nga presyo sa 2024 milling season.
Dugang ni Zubiri nagkinahanglan matod og dugang nga tabang ang mga mag-uuma sa asukal hilabi na niining paghunong sa pag-import sa asukal, pinaagi sa capital infusion, o pinaagi sa programa sa pagpalit sa gobyerno nga magsiguro ang lig-on nga kita sa mga mag-uuma ug mga trabahante sa asukal, ug patas nga presyo sa mga konsumidor.
Kinahanglan matod pa kini nga masulosyonan sa DA ang SRA aron ma-stabilize ang presyo sa mill gate sa asukar.
Dugang pa niya nga bug-at na ang Php300 o Php500 nga kapildihan sa mga sugar farmers sa matag sako sa asukar, maglisod na ang mga mag-uuma sa pagpakaon sa ilang mga pamilya, pagbayad sa ilang mga trabahante, ug pag-andam alang sa sunod nga ting-ani kon wala silay kita karong tuiga.
Gipasalamatan ni Zubiri ang Department of Agriculture (DA) sa paghunong sa pag-import sa bugas alang sa 2026, apan tungod sa sobra nga importasyon sa asukal sa miaging tuig, maglisud ang mga mag-uuma nga makabangon.
Photo Courtesy: BusinessWorldOnline
