Gilaumang pirmahan ni Kidapawan City Mayor Atty. Jose Paolo Evangelista, ang usa ka Executive Order (EO), sa pagbawal sa mga politiko nga magpakita ug mag apil-apil sa tanang distribution sa ayuda sa Kidapawan City.
Sumala pa sa Mayor, nga kini base sa Section 19 sa Republic Act 12314 o General Appropriations Act, nga gipasa sa sa Kongreso ug epektibo karong tuiga.
Dugang pa, sa Section 20 sa nahisgutang balaod, bawal usab ang pagbutang sa nawong, pangalan, motto, logo, color motif sa mga signboard ug tarpaulin nga dunay kalambigitan sa tanang proyekto, programa ug aktibidad sa gobyerno.
Gilauman sa Mayor, nga mosunod ang tanang mga opisyales ug pulitiko sa dakbayan, lakip na ang mga opisyales sa Barangay.
Photo Courtesy: Mayor Pao Evangelista
