Gipahibalo sa Philippine Tennis Association (PHILTA) ang presyo sa tiket ug ang petsa sa pagsugod sa pagpalit alang sa Philippine Women’s Open, ang labing unang WTA tournament nga ipahigayon sa nasod.
Gisugdan karong adlawa, Enero 14, ang pagbaligya sa mga tiket alang sa qualifying ug main draw matches. Ang qualifying rounds ipahigayon sa Enero 24 hangtod 25, samtang ang main draw matches magsugod sa Enero 26 hangtod 29.
Matod ni PHILTA Executive Director Tonette Mendoza, ang mga ticket sa qualifying matches nagkantidad og Php200 kada adlaw, samtang ang unang upat ka adlaw sa main draw matches nagkantidad og Php1,000 kada adlaw alang sa general admission. Makapalit sa mga tiket online ang publiko.
Gipasabot usab ni Mendoza nga mag-usab ang presyo sa tiket sa semifinals ug finals, ug ang opisyal nga pagsugod sa pagbaligya ipahibalo sa sunod semana. Ang presyo sa semifinals nagkantidad og Php1,500, samtang ang finals nagkantidad og Php2,000 alang sa reserved seating.
Gitakda nga ipahigayon ang Philippine Women’s Open sa Enero 26-31 sa Rizal Memorial Stadium, nga magdala sa mga lokal ug internasyonal nga manlalaro sa tennis sa usa ka prestihiyosong kompetisyon sa nasod.
Photo Courtesy:PHILTA
