Gipahinumduman ni Konsehal Maximo Rodriguez III ang iyahang mga kaubanan sa konseho nga karaan pa sa karaan ang ginapatuman nga Traffic Codified Ordinance sa dakbayan kung asa aduna nay pipila ka probisyon niini nga dili na aplikable sa kasamtangang sitwasyon sa syudad.
Sumala pa ni Konsehal Rodriguez, anaa na sa 25 katuig ang traffic ordinance ug kinahanglan na mareview labi na ma-amyendahan.
Sa gisaysay sa Konsehal nga tipik nga bahin sa ordinansa, nakalatid nga walay truck ban sa mga transient nga moagi sa CM Recto Avenue ug uban pang bahin sa syudad. Apan wala na kini gina-check o hugot nga pagmonitor sa mga traffic enforcers.
Dugang pa dinha nga nakabutang sa ordinansa nga kung madautan ang usa ka sakyanan, pwede ra ibilin daplin sa dalan, apan dili na kini aplikable sa pagkakaron tungod dagko na ang mga sakyanan nga posible pang maghinungdan sa trapik.
Busa gihatagan og gibug-aton ni Rodriguez ang pagtinabangay sa tanan lakip na sa pribadong sektor aron nga matun-an ang bisan unsang sugyot nga kausaban sa traffic ordinance sa syduad.
Photo courtesy: Cagayan de Oro City Council
