Gipadayag ni Nicolas Maduro Guerra kinsa usa ka magbabalaod ug anak ni Nicolas Maduro- Presidente sa Venezuela nga ang iyang amahan nagpadala ug mensahe pinaagi sa iyang mga abogado nga nag-ingon nga anaa matod pa kini sa maayo nga kahimtang ug nagpabilin nga determinado bisan paman nga nakakustodiya sa Estados Unidos.
Dugang pa ni Maduro Guerra nga ang iyang amahan nagpabilin nga lig-on bisan paman sa hagit sa kinabuhi nga ilang naagian. Gani, gi-awhag niini ang mga tigsuporta sa iyang amahan nga magpabilin lamang nga positibo ug lig-on sa tanang panahon.
Kasamtangan, si Presidente Maduro ug ang iyang asawa nga si Cilia Flores anaa sa Estados Unidos napriso human ang mga pwersa sa US mihimo ug mga welga militar sa Caracas ug tulo pa ka syudad sa Venezuela niadtong Enero 3, 2026.
Sa pikas bahin, si acting president sa Venezuela nga si Delcy Rodriguez, misaad nga masiguro ang pagbalik ni Maduro ug sa iyang asawa sa ilang nasud. Kini iyang gipadayag sa usa ka kalihokan sa komunidad sa estado sa Miranda niadtong Sabado.
Photo Courtesy: twitter
