Gipahigayon karong adlawa Enero 12, 2025 ang selebrasyon sa ika-25th Valencia City Charter Day, pinaagi sa dakong Civic Parade nga gisundan sa Street Dancing Competition nga gitambongan sa unom (6) ka cluster sa mga barangay sa syudad nga nagpakita sa ilang kadasig, kultura, ug paghiusa ang tagsa-tagsa ka cluster pinaagi sa makusog ug malinawon nga street dancing performance.
Mga Cluster nga mitambong: Cluster 1: Poblacion, Guinoyuran, Lourdes, Tugaya, Barobo Cluster 2: Lumbo, Lurugan, Lilingayon, Mt. Nebo, Nabago Cluster 3: Colonia, Sugod, Mailag, Bagontaas, San Carlos Cluster 4: Batangan, Vintar, Sinabuahan, San Isidro, Lumbayao, Kahaponan Cluster 5: Maapag, Pinatilan, Catumbalon, Mabuhay, Dagatkidavao Cluster 6: Tongantongan, Laligan, Concepcion, Sinayawan, Banlag.
Dako usab ang suporta ug partisipasyon sa mga empleyado gikan sa nagkadaiyang departamento sa LGU Valencia, nga mipakita sa ilang panaghiusa ug garbo alang sa syudad.
Hugot usab ang presensya ug suporta sa Philippine Army, Bureau of Fire Protection (BFP), BJMP, ug Philippine National Police (PNP) Valencia, nga mitabang sa pagpanalipod sa kalinaw ug kahapsay sa maong selebrasyon.
Ang kalihokan nagsilbing timaan sa kalampusan sa 25 ka tuig nga pagkatukod sa Valencia isip syudad, ug nagpadayag sa lig-on nga panaghiusa sa katawhan padulong sa mas mauswagon nga kaugmaon.
