Nakadawat ang mga atletang Talisaynon kinsa mihakot og medalya sa 33th Southeast Asian (SEA) Games didto sa Thailand sa miaging bulan. Kini human misaad kanila og pinansiyal nga insentibo si Talisay City Mayor Samsam Gullas tungod sa pagdala nila og garbo ug dungog sa nasud atol sa prestihoyosong torneyo mao ang Asian SEA Games nga misakmit og upat ka gold medal, lima ka silver ug duha ka bronze alang sa Team Philippines.
Samtang nakakuha og duha ka bulawang medalya Si Raven Faith Alcoseba samtang misungkit og tagsa ka gold sa triathlon ug road cycling events sila si Andrew Kim Remolino ug Matthew Justine Hermosa. Midugang si Remolino og duha ka silver sa men’s individual triathlon ug sa aquathlon mixed team relay kauban sila si Hermosa ug Alcoseba.
Milabni og silver si Jay Bryan Baricuatro ug naka-bronze sa boxing si Mark Ashley Fajardo samtang miamot og bronze sa karate si Jeremy Laurence Nopre .
Gipahibawo ni Mayor Gullas nga ang mga gold medalists makadawat og Php50,000 matag usa, samtang ang mga silver ug bronze medalists mobulsa og Php40,000 ug Php30,000.
