Opisyal nga gi-turnover ug gi-blessingan sa Bureau of Fire Protection (BFP) ang San Roque Fire Substation niadtong nakalabay nga adlaw. Gilauman nga magpalig-on sa emergency response capability sa mga hilit nga lugar sa lungsod sa Mabuhay, Zamboanga Sibugay.
Ang bag-ong fire substation gilauman nga makahatag og mas paspas ug mas dasli nga serbisyo sa sa panahon nga adunay sunog ug uban pang emerhensiya alang sa Barangay San Roque ug sa kasikbit nga mga komunidad, aron masulbad ang dugay nang kabalaka sa katawhan bahin sa hinay nga response time tungod sa kalay-on gikan sa main fire station.
Gipangunahan ang seremonya sa inagurasyon ni BFP R9 Regional Director FCSUPT Jerry D. Canido, DSC, kauban si Mayor Edreluisa Calonge ug FSUPT Jacqueline S. Ortega, DSC, uban ang ubang mga personnel sa BFP gikan sa lain-laing lugar sa Zamboanga Sibugay.
Gipasiugda sa kalihokan ang panaghiusa ug kooperasyon sa lokal nga pangagamhanan ug sa Bureau of Fire Protection sa pagpalig-on sa kaluwasan sa publiko ug kaandam batok sa kalamidad, ilabi na sa lebel sa barangay.
Padayon ang paningkamot sa BFP ug LGU sa pagpalapad sa fire protection services aron masiguro ang kaluwasan sa katawhan sa tibuok probinsya.
