Gikuptan na sa TNT Tropang 5G ang 2-0 nga bintaha sa best-of-seven semifinals sa PBA Philippine Cup.
Kini human nila gipildi ang Meralco Bolts, 109-92, sa dula nga gipahigayon didto sa Smart Araneta Coliseum. Nibida sa kadaogan sa TNT si Calvin Oftana nga nakatala og 26 points ug pito ka rebounds, samtang duna usab 24 points ug duha ka rebounds si Jordan Heading.
Nakakuha usab og tag-12 points sila si RR Pogoy ug Kelly Williams, samtang 11 points lang ang natala ni Brandon Ganuela-Rosser. Sukad pa sa pagsugod, gigunitan na sa TNT ang labaw; gisuwayan pa kini og gukod sa Bolts apan wala na gyud nila kini maapsi.
Photo courtesy: Thechronicle.com.ph
