Target sa Technical Education and Skills Development Authority (TESDA), nga makabansay sa gibanabanang 600,000 ngadto sa 650,000 ka mga Pilipino karong tuiga.
Matuman kini pinaagi sa ilang budget nga ₱19 bilyon. Matod pa ni TESDA Secretary Francisco Benitez, kini nga pundo maoy labing dako nga budget nga natala sa kasaysayan sa ahensya sukad sa pagkatukod niini.
Lakip sa ilang mga programa mao ang near-hire training, upskilling nga mga programa, ug pagbansay nga naka-focus sa digital nga kahanas.
Gipasiugda sa TESDA ang kamahinungdanon sa Enterprise-Based Education and Training (EBET), tungod sa napamatud-an nga taas nga rate sa pagtrabaho, nga anaa sa gibana-banang 85% hangtod 95%.
Pinaagi sa EBET, mas daghang Pilipino ang adunay kahigayonan nga makakitag trabaho human sa ilang pagbansay.
Dugang pa, aktibo ang ahensya nga nagpalig-on sa ilang pakigtambayayong sa lain-laing mga industriya pinaagi sa Enterprise-Based Education and Training (EBET), paghatag og tax incentives, ug ang Adopt-a-School Program.
Photo Courtesy: TESDA
