Patay ang usa ka lalaki, human kining gitigbas sa Purok 7A, Barangay Sudapin, Kidapawan City, kadlawon niadtong adlawng Huwebes Enero 8, 2026.
Giila ang biktima nga si Jerry Valdevieso, 56-anyos ug residente sa Barangay Luvimin sa nahisgutang syudad.
Sa taho, gikan matod pa sa ilang panimalay ang biktima sakay sa iyang motorsiklo paingon sa iyang gitrabahoan, dihang pag-abot sa lugar, walay kalouy kining gitigbas.
Nakahiagom og samad tinigbasan ang bitkima sa lain-laing parte sa iyang lawas, asa naputol usab ang walang kamot niini nga maoy hinungdan sa iyang kamatayon.
Nasayran, nga aduna matod pay kalalis ang biktima ayha pa nahitabo ang insidente.
Sa karon, padayon pa ang lalom nga imbestigasyon sa Kidapawan City Police Station, aron masuta ang motibo sa pagpanigbas lakip na ang posibleng pag-ila sa suspek.
