Nanawagan og hustisya ang usa ka inahan human makita ug mapalgan ang iyang anak nga wala nay kinabuhi sa tunga sa katubohan sa Purok Sinait, Barangay Dagatkidavao, diin nagbuy-od ug nagbulag ang lawas ug ulo sa biktima kaniadtong Enero 8, 2026.
Sumala sa inahan, grabe ang kasakit ug kasuko nga iyang gibati sa nahitabo sa iyang anak. “Sakit kaayo nga makita nga ingani ang mahitabo sa akong anak,” matod niya, samtang kusganong nanawagan sa suspetsado nga makonsensya ug mosurender aron mapatuman ang hustisya sa brutal nga krimen.
Mahinumdumang niadtong adlaw nga martes niadto sa eskwelahan ang biktima apan wala na nakapauli sa panimalay. Niadtong alas 10 sa buntag sa nakalabay nga adlaw, nakit-an ang biktima sa katubhan human sa pagtinabangay sa mga silingan pagpangita niini. Gitabangan usab sa barangay tanod sa Dagatkidavao, sa pagpanguna ni Barangay Captain Nono Adoracion ug sa Barangay Captain Robert Buhi sa Barangay Banlag, ang pagsuhid sa insidente.
Ang brutal nga krimen nagpukaw sa kahadlok sa komunidad, ug nagdasig sa mga otoridad nga aksyonan gilayon ang maong brutal nga pagpatay aron daling masulbad ang kaso ug mahatagan sa hustisya ang biktima ug maprotektahan ang katawhan sa maong dapit.
via: PNP VALENCIA
