Arestado sa mga operatiba sa kapulisan ang usa ka senior citizen tungod sa pagkalambigit niini og paglapas sa illegal online sabong. Ang suspek naila nga si Pedro 60-anyos, vendor, residente sa Sitio Bacud, Barangay Luna, Surigao City.
Subay sa imbestigasyon sa kapulisan, nasakpan ang suspek nga niapil sa online cockfighting ug nipusta samtang nagtan-aw sa away sa manok pinaagi sa cellphone. Nakuha sa posisyon niini ang cellphone na gigamit sa online sabong, ug ₱250.00 nga gigamit pagpusta.
Nasikop kini kagahapon, alas 2:35 sa hapon sa Boulevard Primemark Market, Barangay Taft, Surigao City.
Sa karon suspek lakip ang nakuhang ebidensya ana-a sa Surigao City Police Station alang sa hustong disposition, uyg posibleng mag atubang Presidential Decree 1602 o illegal online sabong.
