Magpabilin sa 3 porsyento nga subsidized housing loan rate ang Home Development Mutual Fund (Pag-IBIG Fund), bisan pa sa pagsaka sa price ceilings sa socialized housing nga gipahamtang sa gobyerno.
Ang rate nga gisugdan niadtong Hulyo 2025 magamit sa unang lima ka tuig sa mga loans ubos sa Expanded Pambansang Pabahay para sa Pilipino (Expanded 4PH) Program. Ang update gipagawas tungod sa bag-ong Implementing Rules and Regulations (IRR) sa Department of Human Settlements and Urban Development (DHSUD) ug sa Department of Economy, Planning, and Development (DEPDev), nga nagtakda og mas taas nga maximum selling prices alang sa socialized housing units.
Sa pagkakaron ang presyo sa house-and-lot units nag-range gikan sa Php844,440 hangtod Php950,000, samtang ang condominium projects nga lima ka andana anaa sa maximum nga presyo nga Php1.8 milyon. Ang eligible condominium projects puwede usab makadugang og hangtod Php200,000 base sa zonal value, nga makahatag og maximum nga presyo sa pipila ka units nga Php2 milyon.
Sumala sa Pag-IBIG, ang 3 porsyento nga interest rate puwede usab i-extend og dugang lima ka tuig aron mapadayon nga manageable ang monthly payments bisan pa misaka ang presyo sa mga balay. Ubos sa programa, ang house-and-lot units hangtod Php950,000 magkinahanglan og monthly payments nga mga Php4,005. Samtang ang condominium units hangtod Php2 milyon magkinahanglan og monthly payments nga anaa sa Php8,432.
Photo Courtesy: Presidential Communications Office
