Pormal nang mipirma og kontrata sa NBA ang Japanese point guard nga si Yuki Kawamura, 24- anyos, sa Chicago Bulls.
Nahuman ang two-way deal ni Kawamura human gibuhian sa koponan ang forward nga si Trentyn Flowers isip kabahin sa kausaban sa roster. Miapil si Kawamura sa Paris Olympics, diin mikadlit siya og 20.3 puntos, 7.7 assists ug 3.3 rebounds alang sa Japan.
Midula si Kawamura alang sa Memphis sa nakalabayng season, diin miapil siya sa 22 ka duwa isip reserve ug mi average og 1.6 puntos matag duwa. Midula usab si Kawamura sa duha ka duwa alang sa Chicago niadtong 2025 preseason og nakarekord og average nga 3.0 puntos, 4.0 rebounds ug 4.0 assists.
Migugol si Kawamura og lima ka season sa Japanese B League sugod sa edad nga 18-anyos, diin mi average siya og 16.7 puntos, 7.3 assists ug 3.0 rebounds. Nakuha usab niya ang Most Valuable Player (MVP) award niadtong 2023.
Sa kasamtangan, ang Chicago Bulls adunay rekord nga 17-19 ug nagranggo sa ika-siyam nga pwesto sa Eastern Conference sa NBA.
Photo Courtesy: OneSports.PH
